Проф. д-р Ванчо Аџиски од Факултетот за природни и технички науки (ФПТН) при Универзитет „Гоце Делчев“ – Штип учествуваше на дводневниот состанок „Ministerial Meeting of the Western Balkans Steering Platform on Research and Innovation“, одржан на 20–21 октомври 2025 година во Подгорица, Црна Гора.
Програмата опфати пленарни и панел-сесии за смарт-специјализација, истражувачка инфраструктура и улогата на вештачката интелигенција во науката, со учество на претставници од Европската комисија, JRC, RCC, EIT и COST.
По покана на претседателката на COST, Åse Gornitzka, и советничката за политики во COST, Katalin Alfoldi, проф. д-р Аџиски ја претстави успешната приказна од регионот: COST акцијата RECOVERY OF MINING DISTRICT NETWORK (REMINDNET), во која е лидер на работна група. Настапот се одржа во рамки на сесијата „Presentation of COST Actions building scientific networks between the region and the EU“.
На настанот присуствуваше и македонска делегација предводена од министерката за образование и наука, проф. д-р Весна Јаневска, и министерот за дигитална трансформација, Стефан Андоновски.
Учеството на проф. д-р Аџиски ја потврдува позицијата на УГД како активен академски партнер во европските истражувачки мрежи и придонесува кон градење мостови меѓу регионалните иницијативи и политиките на Европската Унија во истражување и иновации.
